愛的羅曼史
《愛的羅曼史》Ài ê Lô-bān-sú
游小鳳Iû Sió-hōng
——————————————
春天的山崙
tshun-thinn ê suann-lūn
百花欲開時
pah-hue beh khui sî
阮恬恬來山邊
gún tiām-tiām lâi suann-pinn
引起阮茫茫想起
ín-khí gún bông-bông siūnn-khí
你我彼段愛情絲
lí guá hit tuānn ài-tsîng-si
若親像苦命流星
ná-tshin-tshiūnn khóo-miā liû-tshinn
忽然來消失去
hut-jiân lâi siau-sit–khì
予我心纏綿
hōo guá sim tînn-mî
暝日思念你
mî-ji̍t su-liām lí
無情的歲月
bô-tsîng ê suè-gua̍t
𤆬你離開去
tshuā lí lī-khui–khì
啥人袂心酸悲
siánn-lâng buē sim sng-pi
可憐的小小花蕊
khó-liân ê sió-sió hue-luí
偏偏受著風雨摧離
phian-phian siū-tio̍h hong-hōo tshui lî
我將伊夢中叫醒
guá tsiong i bāng-tiong kiò-tshínn
為何你無聽見
uī-hô lí bô thiann–kìnn
我最愛的你
guá tsuè ài ê lí
猶原懷念你
iu-guân huâi-liām lí
