媽媽請等待
《媽媽請等待》Má-mah Tshiánn Tán-thāi
曾朝宗Tsan Tiâu-tsong
——————————————
若想起故鄉情景
nā siūnn-khí kòo-hiong tsîng-kíng
也想起爸母恩情
iā siūnn-khí pē-bú un-tsîng
心愛彼个人
sim-ài hit ê lâng
你我純情心
lí guá sûn-tsîng sim
予我來暝日真掛心
hōo guá lâi mî-ji̍t tsin khuà-sim
因為我踮在他鄉
in-uī guá tiàm-tsāi thann-hiong
事事項項無成就
sū-sū-hāng-hāng bô sîng-tsiū
我無面轉去故鄉
guá bô bīn tńg-khì kòo-hiong
我有我的苦情
guá ū guá ê khóo-tsîng
日連暝認真拍拚
ji̍t liân-mî jīn-tsin phah-piànn
風佮雨我也毋驚
hong kah hōo guá iā m̄-kiann
暗中也聽見
àm-tiong iā thiann-kìnn
故鄉水流聲
kòo-hiong tsuí-lâu siann
親像我奮鬥的心聲
tshin-tshiūnn guá hùn-tàu ê sim-siann
媽媽唷請你放心
má-mah–iooh tshiánn lí hòng-sim
毋敢糊塗做歹囝
m̄-kánn hôo-tôo tsuè pháinn-kiánn
為將來為著名聲
uī tsiong-lâi uī-tio̍h miâ-siann
坎坷路也著行
khám-khia̍t lōo iā tio̍h kiânn
