透風落大雨
《透風落大雨》Thàu-hong Lo̍h Tuā-hōo
彭井祥Phênn Tsíng-siong
——————————————
為著理想佮希望
uī-tio̍h lí-sióng kah hi-bāng
孤單流浪到他鄉
koo-tuann liû-lōng kàu thann-hiong
想起前途心迷茫
siūnn-khí tsiân-tôo sim bê-bông
真心付出無地講
tsin-sim hù-tshut bô-tè kóng
毋敢放蕩來耽誤
m̄-kánn hòng-tōng lâi tam-gōo
堅定踏出大跤步
kian-tīng ta̍h-tshut tuā kha-pōo
愈做愈行心愈疼
jú tsò jú kiânn sim jú thiànn
啊~繼續拚
ah~ kè-sio̍k piànn
管伊透風落大雨
kuán i thàu-hong lo̍h tuā-hōo
日走夜趕揣出路
ji̍t tsáu iā kuánn tshuē tshut-lōo
時機若到照希望
sî-ki nā kàu tsiàu hi-bāng
創造彩色好人生
tshòng-tsō tshái-sik hó jîn-sing
