愛情白痴
《愛情白痴》Ài-tsîng Pe̍h-tshi
彭正Phênn Tsìng
——————————————
咱分分合合
lán hun-hun-ha̍p-ha̍p
嘛已經度過幾若年
mā í-king tōo-kuè kuí-lō nî
我猶原當做
guá iu-guân tòng-tsuè
你毋捌離開
lí m̄-bat lī-khui
咱兩人的手指
lán nn̄g-lâng ê tshiú-tsí
我一直囥踮咧身邊
guá it-ti̍t khǹg tiàm-teh sin-pinn
當做總有一日
tòng-tsuè tsóng ū-tsi̍t-ji̍t
你會轉來阮身邊
lí ē tńg-lâi gún sin-pinn
偷偷看著你
thau-thau khuànn tio̍h lí
佮伊做伙甜甜蜜蜜
kah i tsò-hué tinn-tinn-bi̍t-bi̍t
原來你一直欺騙
guân-lâi lí it-ti̍t khi-phiàn
閣毋願承認
koh m̄-guān sîng-jīn
你已經來離開
lí í-king lâi lī-khui
原來我在你心中
guân-lâi guá tsāi lí sim-tiong
只是一个白痴
tsí-sī tsi̍t-ê pe̍h-tshi
你佮伊度過每一暝
lí kah i tōo-kuè muí tsi̍t-mî
為何閣來揣我膏纏
uī-hô koh lâi tshuē guá ko-tînn
原來我在感情中
guân-lâi guá tsāi kám-tsîng tiong
只是一个白痴
tsí-sī tsi̍t-ê pe̍h-tshi
應該恬恬來離開
ing-kai tiām-tiām lâi lī-khui
揣機會
tshuē ki-huē
予自己重新開始
hōo tsū-kí tiông-sin khai-sí
