勞力
《勞力》Lóo-la̍t
陳隨意Tân Suî-ì
——————————————
世界多變化
sè-kài to piàn-huà
艱苦我毋驚
kan-khóo guá m̄-kiann
人情冷暖我知影
jîn-tsîng líng-luán guá tsai-iánn
未來誰知影
bī-lâi siáng tsai-iánn
世界遮爾大
sè-kài tsiah-nī tuā
我用雙手拍拚
guá iōng siang-tshiú phah-piànn
劇本家己寫
kio̍k-pún ka-kī siá
毋免怨嘆咱的命
m̄-bián uàn-thàn lán ê miā
鹹酸苦汫是生活
kiâm-sng khóo-tsiánn sī sing-ua̍h
多謝你來相伨我
to-siā lí lâi sio-thīn guá
浪子回頭金不換
lōng-tsú huê-thâu kim put-uānn
跤踏實地照步行
kha ta̍h si̍t-tē tsiàu-pōo kiânn
人講天公疼戇囝
lâng kóng thinn-kong thiànn gōng-kiánn
一句感謝
tsi̍t-kù kám-siā
一句勞力啊
tsi̍t-kù lóo-la̍t–ah
咱的友情
lán ê iú-tsîng
可比一座山
khó-pí tsi̍t-tsō suann
