蝴蝶無花陪
《蝴蝶無花陪》Ôo-tia̍p Bô Hue Puê
陳綺涵Tân Khí-hâm
——————————————
你怎樣毋講話
lí tsuánn-iūnn m̄ kóng-uē
每工頭犁犁
muí-kang thâu lê-lê
天頂的蝴蝶飛
thinn-tíng ê ôo-tia̍p pue
親像一个謎
tshin-tshiūnn tsi̍t-ê bē
以前講我是寶貝
í-tsîng kóng guá sī pó-puè
對我溫柔又送花
tuì guá un-jiû iū sàng hue
愛我疼我千萬倍
ài guá thiànn guá tshian-bān puē
今生愛我袂反悔
kim-sing ài guá buē huán-hué
冬去春又回
tang khì tshun iū huê
蝴蝶無花陪
ôo-tia̍p bô hue puê
原來你以前的一切
guân-lâi lí í-tsîng ê it-tshè
烏天閣暗地
oo-thinn koh àm-tē
冬天心落雪
tang-thinn sim lo̍h-seh
秋來無明月
tshiu lâi bô bîng-gue̍h
過去的誓言放風吹
kuè-khì ê sè-giân pàng hong tshue
我孤單受罪
guá koo-tuann siū-tsuē
