熱戀啥滋味
《熱戀啥滋味》Jia̍t-luân Siánn Tsu-bī
陳菀翎Tân Uán-lîng
——————————————
春風微微吹窗墘
tshun-hong bî-bî tshue thang-kînn
飄來一陣花芳味
phiau lâi tsi̍t-tsūn hue-phang-bī
女人的夢像天氣
lú-jîn ê bāng tshiūnn thinn-khì
透早黃昏無著時
thàu-tsá hông-hun bô tio̍h-sî
熱戀愛情
jia̍t-luân ài-tsîng
毋知啥滋味
m̄-tsai siánn tsu-bī
是苦抑是甜
sī khóo ia̍h-sī tinn
女人純情的心理
lú-jîn sûn-tsîng ê sim-lí
希望對阮來表示
hi-bāng tuì gún lâi piáu-sī
一蕊紅紅的玫瑰
tsi̍t-luí âng-âng ê muî-kuì
就會打動阮心意
tiō ē tánn-tōng gún sim-ì
空思夢想望月圓
khang-su bāng-sióng bāng gue̍h-înn
阮的貼心佇佗位
gún ê tah-sim tī tó-uī
