敬老卡
《敬老卡》Kìng-ló-khah
陳秋山Tân Tshiu-san
——————————————
一張敬老卡
tsi̍t-tiunn kìng-ló-khah
車錢賰一半
tshia-tsînn tshun tsi̍t-puànn
食飽閒閒來山
tsia̍h-pá îng-îng lâi peh-suann
一个人過生活
tsi̍t-ê-lâng kuè sing-ua̍h
雨傘做枴仔
hōo-suànn tsuè kuái-á
慢慢上崎
bān-bān peh tsiūnn-kiā
長長旅途嘛行到遮
tn̂g-tn̂g lú-tôo mā kiânn kàu tsia
閣過嘛無路啦
koh kuè mā bô-lōo–lah
嗯~時間是陣陣的風飛沙
ngh~ sî-kan sī tsūn-tsūn ê hong-pue-sua
頭前霧霧看無物件
thâu-tsîng bū-bū khuànn-bô mi̍h-kiānn
嗯~越頭揣無來時的同伴
ngh~ ua̍t-thâu tshuē-bô lâi sî ê tông-phuānn
毋知敢轉去矣
m̄-tsai kám tńg–khì ah
一隻手機仔
tsi̍t-tsiah tshiú-ki-á
字著放予大大
jī tio̍h hòng hōo tuā-tuā
目睭瞇瞇烏白看
ba̍k-tsiu bi-bi oo-pe̍h khuànn
一日嘛過去啦
tsi̍t-ji̍t mā kuè–khì lah
講清閒上好命
kóng tshing-îng siōng hó-miā
是無人需要我
sī bô-lâng su-iàu guá
紅紅日頭若欲落山
âng-âng ji̍t-thâu nā beh lo̍h-suann
才有滿天的彩霞
tsiah ū muá-thinn ê tshái-hâ
嗯~時間是陣陣的風飛沙
ngh~ sî-kan sī tsūn-tsūn ê hong-pue-sua
頭前霧霧看無物件
thâu-tsîng bū-bū khuànn-bô mi̍h-kiānn
嗯~越頭揣無來時的同伴
ngh~ ua̍t-thâu tshuē-bô lâi sî ê tông-phuānn
毋知敢轉去矣
m̄-tsai kám tńg–khì–ah
