散步夜公園
《散步夜公園》Sàn-pōo Iā Kong-hn̂g
陳秋山Tân Tshiu-san
——————————————
散步夜公園
sàn-pōo iā kong-hn̂g
靜靜無人聲
tsīng-tsīng bô lâng-siann
暗暗的樹林
àm-àm ê tshiū-nâ
野狗一隻
iá-káu tsi̍t-tsiah
月娘照孤影
ge̍h-niû tsiò koo-iánn
日時的牽掛
ji̍t–sî ê khian-kuà
漸漸來充滿
tsiām-tsiām lâi tshiong-muá
薄薄人情紙
po̍h-po̍h jîn-tsîng tsuá
金錢上大
kim-tsînn siōng tuā
煩惱佔心肝
huân-ló tsiàm sim-kuann
微微花芳的春夜
bî-bî hue-phang ê tshun-iā
陣陣涼風吹來吧
tsūn-tsūn liâng-hong tshue–lâi pah
鋩鋩角角攏吹散
mê-mê-kak-kak lóng tshue-suànn
簡簡單單過生活
kán-kán-tan-tan kuè sing-ua̍h
微微花芳的春夜
bî-bî hue-phang ê tshun-iā
陣陣涼風吹來吧
tsūn-tsūn liâng-hong tshue–lâi pah
鋩鋩角角攏吹散
mê-mê-kak-kak lóng tshue-suànn
簡簡單單過生活
kán-kán-tan-tan kuè sing-ua̍h
來時的路線
lâi sî ê lōo-suànn
霧霧已無看
bū-bū í bô-khuànn
直直向前行
ti̍t-ti̍t hiòng-tsiân kiânn
衫澹一半
sann tâm tsi̍t-puànn
更深的木柵
kinn-tshim ê Ba̍k-sa
