孤戀花
《孤戀花》Koo-luân Hue
陳金浪Tân Kim-lōng(新加坡)
藍小玲Nâ Sió-lîng(新加坡)
——————————————
一陣風啊迎面吹
tsi̍t-tsūn hong–ah gîng-bīn tshue
清涼輕鬆心頭過
tshing-liâng khin-sang sim-thâu kuè
想起心愛你一个你一个
siūnn-khí sim-ài lí tsi̍t-ê lí tsi̍t-ê
予阮也心怨慼
hōo gún iā sim uàn-tshueh
一陣雨啊落袂離
tsi̍t-tsūn hōo–ah lo̍h buē-lī
寂寞心情引阮相思
tsi̍k-bo̍k sim-tsîng ín gún siunn-si
想起阮那心愛伊心愛伊
siūnn-khí gún ná sim-ài i sim-ài i
何時啊再相見
hô-sî–ah tsài sann-kìnn
你敢會知
lí kám ē tsai
阮的心內
gún ê sim-lāi
心花開
sim-hua khai
愛人來採
ài lâng lâi tshái
親像孤單的啊花栽
tshin-tshiūnn koo-tuann ê–ah hue-tsai
苦苦戇戇咧等待
khóo-khóo gōng-gōng teh tán-thāi
一蕊好花當清芳
tsi̍t-luí hó-hue tng tshing-phang
心愛你敢袂心動
sim-ài lí kám buē sim-tāng
想欲等待你一人你一人
siūnn-beh tán-thāi lí tsi̍t-lâng lí tsi̍t-lâng
對阮嘛來疼痛
tuì gún mā lâi thiànn-thàng
