花開心哀愁
《花開心哀愁》Hue Khui Sim Ai-tshiû
陳芬蘭Tân Hun-lân
——————————————
彼日櫻花
hit-ji̍t ing-hue
歡迎你我情意甜
huan-gîng lí guá tsîng-ì tinn
獻出著芬芳味
hiàn-tshut tio̍h hun-hong bī
又嬌滴滴
iū kiau-tih-tih
聽著咱甘蜜情話
thiann-tio̍h lán kam-bi̍t tsîng-uē
添著咱滿腹情意
thiam tio̍h lán muá-pak tsîng-ì
度過了可愛的春天
tōo-kuè liáu khó-ài ê tshun-thinn
誰知一時
siáng tsai tsi̍t-sî
放阮一人做你去
pàng gún tsi̍t-lâng tsuè lí khì
害著我孤一个
hāi-tio̍h guá koo tsi̍t-ê
心情稀微
sim-tsîng hi-bî
看櫻花
khuànn ing-hue
懷念著你
huâi-liām tio̍h lí
流出著寂寞珠淚
lâu-tshut tio̍h tsi̍k-bo̍k tsu-luī
空過了多情的春天
khang-kuè liáu to-tsîng ê tshun-thinn
我等你一年又一年
guá tán lí tsi̍t-nî iū tsi̍t-nî
你怎樣消息無半絲
lí tsuánn-iūnn siau-sit bô-puànn-si
到底你踮在佗位
tàu-tué lí tiàm-tsāi tó-uī
到底你踮在佗位
tàu-tué lí tiàm-tsāi tó-uī
度過了舊年的春天
tōo-kuè liáu kū-nî ê tshun-thinn
今日櫻花
kim-ji̍t ing-hue
想欲安慰我稀微
siūnn-beh an-uì guá hi-bî
獻出著芬芳味
hiàn-tshut tio̍h hun-hong bī
又嬌滴滴
iū kiau-tih-tih
我干焦恨你無情
guá kan-ta hūn lí bô-tsîng
我干焦怨你無義
guá kan-ta uàn lí bô-gī
度過了哀愁的春天
tōo-kuè liáu ai-tshiû ê tshun-thinn
我干焦恨你無情
guá kan-ta hūn lí bô-tsîng
我干焦怨你無義
guá kan-ta uàn lí bô-gī
度過了哀愁的春天
tōo-kuè liáu ai-tshiû ê tshun-thinn
