來去東港
《來去東港》Lâi-khì Tang-káng
陳昇Tân Sing
新寶島康樂隊Sin Pó-tó Khong-lo̍k-tuī
——————————————
↓↓(口白)—(口白)↓↓
啊~東港乎
ah~ Tang-káng–honnh
定定想起
tiānn-tiānn siūnn-khí
彼號用紙寫的歌
hit-lō iōng tsuá siá ê kua
用心擠出來的詩
iōng sim tsik–tshut-lâi ê si
美麗的歌美麗的歌
bí-lē ê kua bí-lē ê kua
嘛毋知影這馬伊佇佗位
mā m̄ tsai-iánn tsit-má i tī tó-uī
這攏是咱家己造成的世界
tse lóng-sī lán ka-tī tsō-sîng ê sè-kài
不如啊來去東港食海產
put-jû–ah lâi-khì Tang-káng tsia̍h hái-sán
↑↑(口白)—(口白)↑↑
戲臺遐的故事佇咧搬
hì-tâi hia ê kòo-sū tī-leh puann
笑看伊無聊的虛華
tshiò khuànn i bô-liâu ê hi-hua
王寶釧你真歹命
Ông Pó-tshuan lí tsin pháinn-miā
阮毋愛去嫁後山
guán m̄-ài khì kè āu-suann
平平是爸母生的
pênn-pênn sī pē-bú\senn–ê
平平嘛有咧交稅
pênn-pênn mā ū teh kau-suè
你加減嘛共阮探聽
lí ke-kiám mā kā guán thàm-thiann
阮佇港口仔是一蕊花
guán tī káng-kháu-á sī tsi̍t-luí hue
嫁去東港無食嘛出名
kè khì Tang-káng bô tsia̍h mā tshut-miâ
嫁去後山三頓嘛烏豆乾
kè khì āu-suann sann-tǹg mā oo-tāu-kuann
王爺啊王爺你著愛聖
ông-iâ–ah ông-iâ lí to̍h-ài siànn
加減拜
ke-kiám pài
明年會出好運
muâ-nî ē tshut hó-ūn
咑呧咑嗲呧
ta-ti ta-te-ti
毋通捾籃仔燒假金
m̄-thang kuānn nâ-á sio ké-kim
紅嬰仔煩惱飼袂大
âng-inn-á huân-ló tshī buē tuā
大漢四界討契兄
tuā-hàn sì-kè thó khè-hiann
咑呧咑嗲呧
ta-ti ta-te-ti
日頭欲閣落山
ji̍t-thâu beh-koh lo̍h-suann
媠查某伊愛照鏡
suí-tsa-bóo i ài tsiò-kiànn
歹命的愛算命
pháinn-miā–ê ài sǹg-miā
咑呧咑嗲呧
ta-ti ta-te-ti
較贏嫁去後山
khah-iânn kè khì āu-suann
人生的路途坎坎隙隙
jîn-sing ê lōo-tôo khám-khám-khiah-khiah
阮毋知影欲按怎行
guán m̄ tsai-iánn beh án-tsuánn kiânn
港邊臭魚仔味的廟埕
káng-pinn tshàu-hî-á-bī ê biō-tiânn
看伊捾籃仔燒假金
khuànn i kuānn nâ-á sio ké-kim
王爺啊王爺你敢有聖
ông-iâ–ah ông-iâ lí kám ū-siànn
我哪生甲遮爾天
guá ná senn kah tsiah-nī thian
平平是爸母生的
pênn-pênn sī pē-bú\senn–ê
啊平平嘛有咧交稅
ah pênn-pênn mā ū teh kau-suè
你加減嘛有去共阮探聽
lí ke-kiám mā ū khì kā guán thàm-thiann
臭肚仔佇港內真出名
tshàu-tōo-á tī káng-lāi tsin tshut-miâ
東港的海味有名聲
Tang-káng ê hái-bī ū miâ-siann
隔壁鴨母寮的三頓
keh-piah ah-bú-liâu ê sann-tǹg
配烏豆乾
phuè oo-tāu-kuann
王爺載去舊年的衰尾
ông-iâ tsài khì kū-nî ê sue-bué
加減拜
ke-kiám pài
明年啊欲出運
muá-nî–ah beh tshut-ūn
咑呧咑嗲呧
ta-ti ta-te-ti
伊學人咧歕鼓吹
i o̍h lâng teh pûn kóo-tshue
細漢煩惱飼袂大
sè-hàn huân-ló tshī buē tuā
大漢煩惱伊某未娶
tuā-hàn huân-ló i bóo buē tshuā
咑呧咑嗲呧
ta-ti ta-te-ti
日頭欲閣落山
ji̍t-thâu beh koh lo̍h-suann
緣投的逐工攏愛照鏡
iân-tâu–ê ta̍k-kang lóng ài tsiò-kiànn
啊若天的就免算命
ah nā thian–ê tō bián sǹg-miā
咑呧咑嗲呧
ta-ti ta-te-ti
較贏咧過後山
khah-iânn teh kuè āu-suann
你毋通講阮無志氣
lí m̄-thang kóng guán bô tsì-khì
命運毋知影輸贏
miā-ūn m̄ tsai-iánn su-iânn
咑呧咑嗲呧
ta-ti ta-te-ti
日頭欲閣落山
ji̍t-thâu beh koh lo̍h-suann
媠查某伊哪愛照鏡
suí-tsa-bóo i–nah ài tsiò-kiànn
啊若歹命的愛算命
ah nō pháinn-miā–ê ài sǹg-miā
臭肚仔我綴你行
tshàu-tōo-á guá tè lí kiânn
較贏嫁去後山
khah-iânn kè khì āu-suann
人生的路途坎坎隙隙
jîn-sing ê lōo-tôo khám-khám-khiah-khiah
咱毋知影欲按怎行
lán m̄ tsai-iánn beh án-tsuánn kiânn
咑呧咑嗲呧
ta-ti ta-te-ti
咑嗲呧咑呧
ta-te-ti ta-ti
咑呧咑嗲呧
ta-ti ta-te-ti
咑嗲呧咑嘟
ta-te-ti ta-too
咑呧咑嗲呧
ta-ti ta-te-ti
咑嗲呧咑呧
ta-te-ti ta-ti
咑呧咑嗲呧
ta-ti ta-te-ti
咑嗲呧咑嘟
ta-te-ti ta-too
