一心所愛
《一心所愛》It-sim Sóo-ài
陳秀美Tân Siù-bí
——————————————
多情的靈魂失了心
to-tsîng ê lîng-hûn sit liáu sim
揣無溫存
tshuē-bô un-tsûn
深深愛你誰同情
tshim-tshim ài lí siáng tông-tsîng
留予阮憂悶
lâu hōo gún iu-būn
愛愈深一場夢
ài jú tshim tsi̍t-tiûnn bāng
這份痴情水流東
tsit hūn tshi-tsîng tsuí lâu-tang
留無你的心你的情
lâu-bô lí ê sim lí ê tsîng
半暝捀杯醉紅顏
puànn-mî phâng pue tsuì hông-gân
酒啉茫茫
tsiú lim bâng-bâng
胭脂水粉
ian-tsi tsuí-hún
為你戇啊戇戇仔等
uī lí gōng–ah gōng-gōng-á tán
敢是毋甘放你揣別人
kám-sī m̄-kam pàng lí tshuē pa̍t-lâng
一心所愛變成空
it-sim sóo-ài piàn-sîng khang
破碎的心
phuà-tshuì ê sim
勉強來相送
bián-kióng lâi sio-sàng
若是閣有緣
nā sī koh ū-iân
阮會等你
gún ē tán lí
等你來相牽
tán lí lâi sio-khan
