可憐的鴛鴦
《可憐的鴛鴦》Khó-liân ê Uan-iunn
陳小雲Tân Sió-hûn(辰欣Sîn-him)
——————————————
月娘月娘
gue̍h-niû gue̍h-niû
你哪遮自由
lí ná tsiah tsū-iû
為啥物我遮憂愁
uī-siánn-mih guá tsiah iu-tshiû
這款的模樣
tsit khuán ê bôo-iūnn
啊~異鄉咧漂流
ah~ ī-hiong teh phiau-liû
阮是為著
gún sī uī-tio̍h
彼个心愛的擔憂
hit ê sim-ài–ê tam-iu
漂流漂流
phiau-liû phiau-liû
經過了三秋
king-kuè liáu sam-tshiu
爸母曷無替咱想
pē-bú a̍h bô thè lán siūnn
束縛著自由
sok-pa̍k tio̍h tsū-iû
啊~想甲袂曉想
ah~ siūnn kah buē-hiáu siūnn
叫咱怎樣忍受
kiò lán tsuánn-iūnn jím-siū
枉費著青春
óng-huì tio̍h tshing-tshun
憂愁憂愁
iu-tshiû iu-tshiû
想甲心欲休
siūnn kah sim beh hiu
叫我此去
kiò guá tshú-khì
欲怎樣佮你來成就
bueh tsuánn-iūnn kah lí lâi sîng-tsiū
啊~猶原無主張
ah~ iu-guân bô tsú-tiunn
今日才著分岫
kim-ji̍t tsiah tio̍h hun-siū
可憐的鴛鴦
khó-liân ê uan-iunn
