犧牲
《犧牲》Hi-sing
郭金發Kueh Kim-huat
——————————————
更深夜靜
kinn tshim iā tsīng
秋風寒冷
tshiu-hong hân-líng
加添阮滿腹內的苦情
ka-thiam gún muá pak-lāi ê khóo-tsîng
咱兩人相愛海誓山盟
lán nn̄g-lâng siong-ài hái-sè san-bîng
為何哪會各奔前程
uī-hô ná ē kok phun tsiân-thîng
我是一个漂泊男性
guá sī tsi̍t-ê phiau-po̍k lâm-sìng
毋敢耽誤你的青春
m̄-kánn tam-gōo lí ê tshing-tshun
只有忍著心內熱情
tsí-ū jím-tio̍h sim-lāi jia̍t-tsîng
祝你前途光明
tsiok lí tsiân-tôo kong-bîng
夜蟲替阮吼袂停
iā-thâng thuè gún háu buē-thîng
陣陣烏雲
tsūn-tsūn oo-hûn
罩著月光
tà tio̍h ge̍h-kng
加添阮滿腹內的苦悶
ka-thiam gún muá pak-lāi ê khóo-būn
想起咱雙人甜蜜溫馴
siūnn-khí lán siang-lâng tinn-bi̍t un-sûn
為何美夢哪袂久長
uī-hô bí-bāng ná buē kú-tn̂g
我是一个漂泊男性
guá sī tsi̍t-ê phiau-po̍k lâm-sìng
毋敢耽誤你的青春
m̄-kánn tam-gōo lí ê tshing-tshun
只有誠心為你祈禱
tsí-ū sîng-sim uī lí kî-tó
創造幸福家庭
tshòng-tsō hīng-hok ka-tîng
快快樂樂過一生
khuài-khuài-lo̍k-lo̍k kuè it-sing
