純情心
《純情心》Sûn-tsîng Sim
郭金發Kueh Kim-huat
——————————————
愛本來是甘露
ài pún-lâi sī kam-lōo
愛本來是幸福
ài pún-lâi sī hīng-hok
為啥物阮的心內
uī-siánn-mih gún ê sim-lāi
只有是一片荒涼的
tsí-ū sī tsi̍t-phiàn hong-liâng ê
一望無盡的沙漠
it-bōng bû-tsīn ê sua-bo̍k
阮的真情為你犧牲
gún ê tsin-tsîng uī lí hi-sing
阮的真愛對你無停
gún ê tsin-ài tuì lí bô-thîng
到底為何你全毋知
tàu-tué uī-hô lí tsuân m̄-tsai
毋知男兒純情心內
m̄-tsai lâm-jî sûn-tsîng sim-lāi
情本來是太陽
tsîng pún-lâi sī thài-iông
情本來是希望
tsîng pún-lâi sī hi-bōng
為啥物阮的心內
uī-siánn-mih gún ê sim-lāi
只有是陣陣冰冷
tsí-ū sī tsūn-tsūn ping-líng
會予人驚疑的風霜
ē hōo-lâng kiann-gî ê hong-song
阮的前程為你不明
gún ê tsiân-thîng uī lí put-bîng
阮的青春為你戲弄
gún ê tshing-tshun uī lí hì-lāng
到底為何你全毋知
tàu-tué uī-hô lí tsuân m̄-tsai
毋知男兒純情心內
m̄-tsai lâm-jî sûn-tsîng sim-lāi
