飄撇的勇氣
《飄撇的勇氣》Phiau-phiat ê Ióng-khì
郭忠祐Kueh Tiong-iū
——————————————
火車一站過一站
hué-tshia tsi̍t-tsām kuè tsi̍t-tsām
離開故鄉的心情
lī-khui kòo-hiong ê sim-tsiânn
你敢猶原猶會記
lí kám iu-guân iáu ē-kì
當初的願望
tong-tshoo ê guān-bāng
愛過一个閣一个
ài kuè tsi̍t-ê koh tsi̍t-ê
講過的山盟海誓
kóng–kuè ê san-bîng hái-sè
如今怎樣變笑話
jû-kim tsuánn-iūnn piàn tshiò-uē
欲怎樣解說
beh tsuánn-iūnn kái-sueh
規工聽機器
kui-kang thiann ki-khì
大聲咧練痟話
tuā-siann teh liān-siáu-uē
為著生活
uī-tio̍h sing-ua̍h
骨力拍拚
kut-la̍t phah-piànn
煞舞甲無魂有體
suah bú kah bô-hûn ū-thé
是啥物原因
sī siánn-mih guân-in
啥物顧慮
siánn-mih kòo-lū
予你當初的飄撇
hōo lí tong-tshoo ê phiau-phiat
如今安份守己毋講話
jû-kim an-hūn-siú-kí m̄ kóng-uē
快樂悲傷
khuài-lo̍k pi-siong
攏看家己最後的選擇
lóng khuànn ka-kī tsuè-āu ê suán-ti̍k
人在江湖身不由己
jîn tsāi kang-ôo sin put-iû kí
滿腹的苦衷
muá-pak ê khóo-thiong
失敗成功
sit-pāi sîng-kong
攏看家己用啥物角度
lóng khuànn ka-kī iōng siánn-mih kak-tōo
看你怎樣挑戰命運
khuànn lí tsuánn-iūnn thiau-tsiàn miā-ūn
就算賰一口氣
tō-sǹg tshun tsi̍t-kháu-khuì
嘛毋放棄
mā m̄ hòng-khì
時間一工過一工
sî-kan tsi̍t-kang kuè tsi̍t-kang
年歲白了烏頭鬃
nî-huè pe̍h liáu oo thâu-tsang
你敢甘願
lí kám kam-guān
就按呢過一世人
tiō-án-ne kuè tsi̍t-sì-lâng
試了一改閣一改
tshì liáu tsi̍t-kái koh tsi̍t-kái
疼過才感覺存在
thiànn–kuè tsiah kám-kak tsûn-tsāi
有啥物好通怨嘆
ū siánn-mih hó thang uàn-thàn
袂落魄悽慘
buē lo̍k-phik tshi-tshám
人生的劇本
jîn-sing ê kio̍k-pún
換你家己來寫
uānn lí ka-kī lâi siá
雖然較早有較歹命
sui-jiân khah-tsá ū khah pháinn-miā
嘛免按呢就認命
mā bián án-ne tiō jīn-miā
做你的主角
tō lí ê tsú-kak
你的未來
lí ê bī-lâi
交予你家己來扞
kau hōo lí ka-kī lâi huānn
家己的電影
ka-kī ê tiān-iánn
家己搬
ka-kī puann
快樂悲傷
khuài-lo̍k pi-siong
攏看家己最後的選擇
lóng khuànn ka-kī tsuè-āu ê suán-ti̍k
人在江湖身不由己
jîn tsāi kang-ôo sin put-iû kí
滿腹的苦衷
muá-pak ê khóo-thiong
失敗成功
sit-pāi sîng-kong
攏看家己用啥物角度
lóng khuànn ka-kī iōng siánn-mih kak-tōo
看你怎樣挑戰命運
khuànn lí tsuánn-iūnn thiau-tsiàn miā-ūn
就算賰一口氣
tō-sǹg tshun tsi̍t-kháu-khuì
就算已經
tiō-sǹg í-king
無像當初扭掠的跤步
bô tshiūnn tong-tshoo liú-lia̍h ê kha-pōo
一步一步
tsi̍t-pōo-tsi̍t-pōo
免驚跋倒
bián-kiann pua̍h-tó
一定愛堅強
it-tīng ài kian-kiông
失敗成功
sit-pāi sîng-kong
攏看家己用啥物角度
lóng khuànn ka-kī iōng siánn-mih kak-tōo
看你怎樣挑戰命運
khuànn lí tsuánn-iūnn thiau-tsiàn miā-ūn
就算賰一口氣
tiō-sǹg tshun tsi̍t-kháu-khuì
嘛毋放棄
mā m̄ hòng-khì
用我飄撇的勇氣
iōng guá phiau-phiat ê ióng-khì
行落去
kiânn–lo̍h-khì
