春花詞
《春花詞》Tshun-Hue Sû
許梳環Khóo Soo-huân
——————————————
年年春來到處春花媠
nî-nî tshun lâi tò-tshù tshun-hue suí
青春的花為何攏袂開
tshing-tshun ê hue uī-hô lóng buē khui
滿園春色看著吐大氣
muá-hn̂g tshun-sik khuànn-tio̍h thóo-tuā-khuì
看花感嘆也是無所謂
khuànn hue kám-thàn iā-sī bû-sóo-uī
山頂杏花開甲粒粒紅
suann-tíng hīng-hue khui kah lia̍p-lia̍p âng
山後規片梅花白蔥蔥
suann-āu kui-phiàn muî-hue pe̍h-tshang-tshang
滿山春花引人心輕鬆
muá-suann tshun-hue ín lâng sim khin-sang
獨阮見景有時心茫茫
to̍k gún kiàn kíng ū-sî sim bâng-bâng
春花引得人人心歡喜
tshun-hue ín tit lâng-lâng sim huann-hí
怎樣獨阮看花心稀微
tsuánn-iūnn to̍k gún khuànn hue sim hi-bî
運命生成佮人無地比
ūn-miā sinn-sîng kah lâng bô-tè pí
阮的前途宛然無春天
gún ê tsiân-tôo uán-jiân bô tshun-thinn
