成功做伙行
《成功做伙行》Sîng-kong Tsò-hué Kiânn
莊恪名Tsng Khok-bîng(阿德A-tik)
——————————————
共同的夢攏仝款
kiōng-tông ê bāng lóng kāng-khuán
為著前途鬥陣行
uī-tio̍h tsiân-tôo tàu-tīn kiânn
拚出一片好名聲
piànn tshut tsi̍t-phiàn hó miâ-siann
堅持到底一定贏
kian-tshî kàu té it-tīng iânn
青春短短數十年
tshing-tshun té-té sòo-tsa̍p nî
把握時機趁這時
pá-ak sî-ki thàn tsit-sî
日走夜趕著愛拚
ji̍t tsáu iā kuánn tio̍h-ài piànn
霜風雪凍阮嘛行
sng-hong seh tàng gún mā kiânn
那想那行心那定
ná siūnn ná kiânn sim ná tiānn
前途袂當越頭看
tsiân-tôo bē-tàng ua̍t-thâu khuànn
認真骨力咱的名
jīn-tsin kut-la̍t lán ê miâ
將來成功做伙行
tsiong-lâi sîng-kong tsò-hué kiânn
