往事藏心內
《往事藏心內》Óng-sū Tshàng Sim-lāi
張惠琦Tiunn Huī-kî(聿綾U̍t-lîng)
——————————————
對你的期待
tuì lí ê kî-thāi
已經薄
í-king po̍h
對你的希望
tuì lí ê hi-bāng
也已經無
iā í-king bô
將咱的往事藏心內
tsiong lán ê óng-sū tshàng sim-lāi
將咱的過去擲大海
tsiong lán ê kuè-khì tàn tuā-hái
雖然咱兩人有意愛
sui-jiân lán nn̄g-lâng ū ì-ài
無奈命運創治錯安排
bô-nāi miā-ūn tshòng-tī tshò an-pâi
心毋甘
sim m̄-kam
毋甘辜負
m̄-kam koo-hū
你對阮的愛
lí tuì gún ê ài
只好兩人分東西
tsí-hó nn̄g-lâng hun tang-sai
過去對阮付出佮關懷
kuè-khì tuì gún hù-tshut kah kuan-huâi
予阮戇戇墜情海
hōo gún gōng-gōng tuī tsîng-hái
既然咱已經無愛
kì-jiân lán í-king bô ài
毋免閣再有罣礙
m̄-bián koh-tsài ū kuà-gāi
唉~夢醒夢醒
haih~ bāng tshínn bāng tshínn
走揣阮的將來
tsáu-tshuē gún ê tsiong-lâi
