攑頭看天星
《攑頭看天星》Gia̍h-thâu Khuànn Thinn-tshinn
張惠琦Tiunn Huī-kî(聿綾U̍t-lîng)
——————————————
自從佮你來離開
tsū-tsiông kah lí lâi lī-khui
也已經過了幾若年
iā í-king-kuè liáu kuí-lō nî
人海茫茫
jîn-hái bâng-bâng
你是去佗位
lí sī khì tó-uī
敢知影阮咧揣無你
kám tsai-iánn gún teh tshuē-bô lí
我無你踮在阮身邊
guá bô lí tiàm-tsāi gún sin-pinn
上驚半暝想著你
siōng kiann puànn-mî siūnn-tio̍h lí
看著別人雙雙對對
khuànn-tio̍h pa̍t-lâng siang-siang-tuì-tuì
阮只有攑頭看天星
gún tsí-ū gia̍h-thâu khuànn thinn-tshinn
黃昏若到的時陣
hông-hun nā kàu ê sî-tsūn
孤單一人
koo-tuann tsi̍t-lâng
踮在窗仔墘
tiàm-tsāi thang-á-kînn
暗暗來叫著你名字
àm-àm lâi kiò tio̍h lí miâ-jī
心愛你到底佇佗位
sim-ài lí tàu-té tī tó-uī
