雲林是阮故鄉
《雲林是阮故鄉》Hûn-lîm Sī Gún Kòo-hiong
張惠琦Tiunn Huī-kî(聿綾U̍t-lîng)
李慶輝Lí Khìng-hui
——————————————
阮的故鄉踮佇雲林縣
gún ê kòo-hiong tiàm-tī Hûn-lîm-kuān
農業出產重要的所在
lông-gia̍p tshut-sán tiōng-iàu ê sóo-tsāi
稻仔青菜塗豆烏金剛
tiū-á tshinn-tshài thôo-tāu oo-kim-kong
蒜頭咖啡五七仔
suàn-thâu ka-pi ngóo-tshit-á
番薯上蓋甜
han-tsî siōng-kài tinn
廟宇香火興旺
biō-ú hiunn-hué hing-ōng
流傳在人間
liû-thuân tsāi jîn-kan
雲林是阮出世的故鄉
Hûn-lîm sī gún tshut-sì ê kòo-hiong
雲林媠
Hûn-lîm suí
天清綠地風景媠
thinn tshing li̍k tē hong-kíng suí
雲林好
Hûn-lîm hó
善良實在地理好
siān-liông si̍t-tsāi tē-lí hó
雲林子弟
Hûn-lîm tsú-tē
出外去拍拚
tshut-guā khì phah-piànn
重情重義
tiōng-tsîng tiōng-gī
認真骨力行
jīn-tsin kut-la̍t kiânn
創造雲林好名聲
tshòng-tsō Hûn-lîm hó miâ-siann
