真遠的所在想你
《今生最愛你一人》Kim-sing Tsuè Ài Lí Tsi̍t-lâng
張惠琦Tiunn Huī-kî(聿綾U̍t-lîng)
——————————————
滿山春色花芳味
muá-suann tshun-sik hue-phang-bī
毋驚風吹葉離枝
m̄-kiann hong tshue hio̍h lî-ki
花開猶原遐爾媠
hue khui iu-guân hiah-nī suí
蝴蝶採花做花痴
ôo-tia̍p tshái hue tsuè hue-tshi
在天願做比翼鳥
tsāi thinn guān tsuè pí-i̍k-niáu
在地願為連理枝
tsāi tē guān uî liân-lí-ki
為你痴迷為你醉
uī lí tshi-bê uī lí tsuì
阮將心肝交予你
gún tsiong sim-kuann kau hōo lí
純情的夢相意愛
sûn-tsîng ê bāng sio ì-ài
愛你
ài lí
袂當將阮放
buē-tàng tsiong gún pàng
今生最愛你一人
kim-sing tsuè ài lí tsi̍t-lâng
