城隍尊神
《城隍尊神》Sîng-hông Tsun-sîn
張峰議Tiunn Hong-gī
——————————————
城隍尊神渡眾生
Sîng-hông Tsun-sîn tōo tsiòng-sing
輪迴在世因果還
lûn-huê tsāi-sè in-kó hîng
隨我奏板見光明
suî guá tsàu-pán kìnn kong-bîng
苦冤說來求必應
khóo-uan sueh–lâi kiû pit ìng
有德之人
iú-tik tsi jîn
寬寬來訴情
khuan-khuan lâi sòo-tsîng
陰陽太極八卦清
im-iông thài-ki̍k pat-kuà tshing
善惡分明姑不幸
siān-ok hun-bîng koo put-hīng
文武判官將軍令
bûn-bú phuànn-kuan tsiong-kun līng
閻羅十殿聞一生
Giâm-lô tsa̍p-tiān bûn it-sing
破災庇蔭
phuà-tsai pì-ìm
跨界之靈
khuà-kài tsi lîng
由吾斷一生
iû ngôo tuān it-sing
哪通悲歡遺憾
ná thang pi-huan uî-hām
亂世間平靜
luān sè-kan pîng-tsīng
作惡多端受苦刑
tsok-ok to-tuan siū khóo-hîng
吾秉無私公正
ngôo pín bû-su kong-tsìng
化無形萬千
huà bû-hîng bān-tshing
消散不堪慰東昇
siau-sàn put-kham uì tong-sing
