絕對會成功
《絕對會成功》Tsua̍t-tuì ē Sîng-kong
張志良Tiunn Tsì-liông
——————————————
↓↓(口白)—(口白)↓↓
逐家好
ta̍k-ke hó
我是俞隆華
guá sī Jû Liông-huâ
這个社會人生百態
tsit ê siā-huē jîn-sing pah-thāi
每工攏是咧挑戰
muí-kang lóng sī teh thiau-tsiàn
我毋驚命運的作弄
guá m̄-kiann miā-ūn ê tsok-lōng
我毋驚困難的阻擋
guá m̄-kiann khùn-lân ê tsóo-tòng
只要堅定信心
tsí-iàu kian-tīng sìn-sim
勇敢向前衝
ióng-kám hiòng-tsiân tshiong
我相信
guá siong-sìn
我相信絕對會成功啦
guá siong-sìn tsua̍t-tuì ē sîng-kong–lah
↑↑(口白)—(口白)↑↑
行佇坎坷的路途上
kiânn tī khám-khia̍t ê lōo-tôo siōng
前面一片暗茫茫
tsîan-bīn tsi̍t-phiàn àm bâng-bâng
心情親像海波浪
sim-tsîng tshin-tshiūnn hái-pho-lōng
我的意志更加穩定
guá ê ì-tsì kìng-ka ún-tīng
閣堅強
koh kian-kiông
啊~毋管命運按怎創
ah~ m̄-kuán miā-ūn an tsuánn tshòng
啊~毋驚困難按怎擋
ah~ m̄-kiann khùn-lân án-tsuánn tòng
認真骨力
jīn-tsin kut-la̍t
拍拚骨力
phah-piànn kut-la̍t
認真骨力
jīn-tsin kut-la̍t
拍拚骨力繼續傱
phah-piànn kut-la̍t kè-sio̍k tsông
我相信
guá siong-sìn
我相信
guá siong-sìn
相信天無絕人的路
siong-sìn thinn bô tsua̍t lâng tsi lōo
我一定
guá it-tīng
絕對會成功
tsua̍t-tuì ē sîng-kong
