夜夜夢
《夜夜夢》Iā-iā Bāng
張小玲Tiunn Sió-lîng
——————————————
每日思念君
muí-ji̍t su-liām kun
離開故鄉千里遠
lī-khui kòo-hiong tshian-lí hn̄g
毋知何時君會倒轉
m̄-tsai hô-sî kun ē tò-tńg
夜夜夢心悶悶
iā-iā bāng sim būn-būn
每日思念君
muí-ji̍t su-liām kun
放阮孤單守空門
pàng gún koo-tuann siú khang-mn̂g
袂食袂睏跤痠手軟
buē-tsia̍h buē-khùn kha-sng tshiú-nńg
夜夜夢
iā-iā bāng
心酸酸
sim-sng-sng
日頭落西近黃昏
ji̍t-thâu lo̍h-se kīn hông-hun
杜蚓聲聲割心腸
tōo-kún siann-siann kuah sim-tn̂g
粒粒目屎做飯吞
lia̍p-lia̍p ba̍k-sái tsuè pn̄g thun
望君早日倒轉
bāng kun tsá-ji̍t tò-tńg
夜夜夢見君
iā-iā bāng-kìnn kun
夢醒目屎流袂斷
bāng tshínn ba̍k-sái lâu buē-tn̄g
自恨自嘆
tsū-hūn tsū-thàn
心亂紛紛
sim luān hun-hun
只有夢中見君
tsí-ū bāng-tiong kìnn kun
