等你倒轉來
《等你倒轉來》Tán Lí Tò-tńg–lâi
張小玲Tiunn Sió-lîng
——————————————
假使咱若是無熟似
khá-sú lán nā-sī bô si̍k-sāi
你也袂在我夢內
lí iā buē tsāi guá bāng-lāi
今日若毋是欲離開
kim-ji̍t nā m̄-sī bueh lī-khui
真情也袂講出來
tsin-tsîng iā buē kóng–tshut-lâi
假使咱若是無相愛
khá-sú lán nā-sī bô siong-ài
你也袂在我心內
lí iā buē tsāi guá sim-lāi
今日若毋是欲離開
kim-ji̍t nā m̄-sī bueh lī-khui
目屎也袂流出來
ba̍k-sái iā buē lâu–tshut-lâi
著愛心心相愛
tio̍h-ài sim-sim siong-ài
雖然你我分東西
sui-jiân lí guá hun tang-sai
我也甘願為你忍耐
guá iā kam-guān uī lí jím-nāi
著愛心心相愛
tio̍h-ài sim-sim siong-ài
為著幸福的未來
uī-tio̍h hīng-hok ê bī-lâi
我也永遠等你轉來
guá iā íng-uán tán lí tńg–lâi
