多情花
《多情花》To-tsîng Hue
邱蘭芬Khu Lân-hun
——————————————
窗外彼欉玫瑰花
thang-guā hit tsâng muî-kuì-hua
兩蕊開相倚
nn̄g-luí khui sio-uá
每日微笑對阮看
muí-ji̍t bî-tshiò tuì gún khuànn
安慰阮孤單
an-uì gún koo-tuann
花蕊也知影阮心肝
hue-luí iā tsai-iánn gún sim-kuann
傷心哭無伴
siong-sim khàu bô-phuānn
你哪通來相瞞
lí ná thang lâi sio-muâ
僥心放捒我
hiau-sim pàng-sak guá
花蕊當開蝴蝶來
hue-luí tng khui ôo-tia̍p lâi
野蜂亂亂採
iá-phang luān-luān tshái
阮生做嘛袂䆀
gún sinn-tsò mā buē-bái
為何你無愛
uī-hô lí bô-ài
昔日情份今何在
sik-ji̍t tsîng-hūn kim hô-tsāi
害阮哭悲哀
hāi gún khàu pi-ai
假情義相對待
ké tsîng-gī sio tuì-thāi
實在不應該
si̍t-tsāi put-ing-kai
