愛情路
《愛情路》Ài-tsîng Lōo
邱蘭芬Khu Lân-hun
——————————————
你我雙人情意好
lí guá siang-lâng tsîng-ì hó
不時相招去散步
put-sî sio-tsio khì sàn-pōo
毋管好天抑是落雨
m̄-kuán hó-thinn ia̍h-sī lo̍h-hōo
毋管偏僻烏暗路
m̄-kuán phian-phiah oo-àm-lōo
初戀的熱度
tshoo-luân ê jia̍t-tōo
毋驚酸抑苦
m̄-kiann sng ia̍h khóo
你我雙人同甘苦
lí guá siang-lâng tông kam-khóo
永遠行著愛情路
íng-uán kiânn tio̍h ài-tsîng lōo
你我雙人同甘苦
lí guá siang-lâng tông kam-khóo
相親相愛相照顧
siong-tshin siong-ài sio tsiàu-kòo
毋通為著風颱雨
m̄-thang uī-tio̍h hong-thai-hōo
就來耽誤咱前途
tsiū lâi tam-gōo lán tsiân-tôo
戀愛的路途
luân-ài ê lōo-tôo
攏有酸佮苦
lóng ū sng kah khóo
你我勇敢來行著
lí guá ióng-kám lâi kiânn tio̍h
甜蜜快樂愛情路
tinn-bi̍t khuài-lo̍k ài-tsîng lōo
