掌上明珠
《掌上明珠》Tsiáng-siōng Bîng-tsu
翁立友Ang Li̍p-iú
——————————————
若是有一工
nā-sī ū-tsi̍t-kang
我若老甲行袂振動
guá nā lāu kah kiânn buē tín-tāng
唯一的心願
uî-it ê sim-guān
攬著心愛的人入夢
lám tio̍h sim-ài ê lâng ji̍p-bāng
陳年的往事
tîn-nî ê óng-sū
牽手行過的風雨
khan-tshiú kiânn–kuè ê hong-ú
美麗愛情的故事
bí-lē ài-tsîng ê kòo-sū
我欲為你演唱
guá beh uī lí ián-tshiùnn
揣一个愛你的理由
tshuē tsi̍t-ê ài lí ê lí-iû
奮鬥全然攏無休
hùn-tàu tsuân-jiân lóng bô hiu
為你打造一个
uī lí tánn-tsō tsi̍t-ê
溫溫暖暖的岫
un-un-luán-luán ê siū
你是我今生今世的所有
lí sī guá kim-sing kim-sè ê sóo-ū
也是我掌上的明珠
iā-sī guá tsiáng-siōng ê bîng-tsu
你的溫柔
lí ê un-jiû
你的幼秀
lí ê iù-siù
將我靈魂來解救
tsiong guá lîng-hûn lâi kái-kiù
無論是山崩地搖
bô-lūn sī suann pang tē iô
免憂愁
bián iu-tshiû
請你好好坐咧享受
tshiánn lí hó-hó tsē teh hiáng-siū
愛無放手
ài bô pàng-tshiú
天長地久
thian-tn̂g tē-kiú
一世情緣萬年千秋
tsi̍t-sè tsîng-iân bān-nî tshian-tshiu
