燒冷冰
《燒冷冰》Sio-líng-ping
真平小子
——————————————
燒冷冰燒冷冰
sio-líng-ping sio-líng-ping
塗豆薏仁佮粉圓
thôo-tāu ì-jîn kah hún-înn
燒的配料囥碗底
sio ê phuè-liāu khǹg uánn-té
礤冰絞落去
tshuah-ping ká–lo̍h-khì
甜湯燒燒𣁳淡薄
tinn-thng sio-sio khat tām-po̍h
又閣冰又閣燒
iū-koh ping iū-koh sio
欸~是欲先食燒的料
eh~ sī beh sing tsia̍h sio ê liāu
抑是先食冷的冰
ia̍h-sī sing tsia̍h líng ê ping
內行的才知影
lāi-hâng–ê tsiah tsai-iánn
圓仔趁燒代先食
înn-á thàn-sio tāi-sing tsia̍h
毋通手賤先去抐
m̄-thang tshiú tsiān sing khì lā
愛對邊仔𣁳起來食
ài uì pinn–á khat–khí-lâi tsia̍h
頭家
thâu-ke
閣來一碗
koh lâi tsi̍t-uánn
燒冷冰啊燒冷冰
sio-líng-ping–ah sio-líng-ping
有燒有冷好滋味
ū sio ū líng hó tsu-bī
這味我上佮意
tsit bī guá siōng kah-ì
