請你免歹勢
《請你免歹勢》Tshiánn Lí Bián Pháinn-sè
柯俊傑Kua Tsùn-kia̍t
——————————————
手牽著阮心愛的
tshiú khan tio̍h gún sim-ài–ê
感情無問題
kám-tsîng bô būn-tê
因為我像一把火
in-uī guá tshiūnn tsi̍t-pé hué
永遠燒袂退
íng-uán sio buē thuè
車載著伊四界踅
tshia tsài tio̍h i sì-kè se̍h
天地是阮的
thinn-tē sī gún ê
何必山盟佮海誓
hô-pit san-bîng kah hái-sè
海角自由飛
hái-kak tsū-iû pue
我會永遠愛你一个
guá ē íng-uán ài lí tsi̍t-ê
請你免歹勢啦
tshiánn lí bián pháinn-sè–lah
免歹勢
bián pháinn-sè
免驚人笑話
bián kiann-lâng tshiò-uē
咱若幸福攬做伙
lán nā hīng-hok lám tsò-hué
管日子賰偌濟
kuán ji̍t-tsí tshun guā-tsuē
請你免歹勢啦
tshiánn lí bián pháinn-sè–lah
免歹勢
bián pháinn-sè
免驚幾若歲
bián-kiann kuí-lō huè
咱若快樂行同齊
lán nā khuài-lo̍k kiânn tâng-tsê
管天星抑日月
kuán thinn-tshinn ia̍h ji̍t-gue̍h
請你一生陪伴我一个
tshiánn lí it-sing puê-phuānn guá tsi̍t-ê
