命中星
《命中星》Miā-tiong Tshinn
林濬揚Lîm Tsùn-iông
——————————————
彼跤記念的手指
hit kha kì-liām ê tshiú-tsí
掛佇手是你的心
kuà tī tshiú sī lí ê sim
溫溫暖暖阮心內
un-un-luán-luán gún sim-lāi
到如今
kàu jû-kim
斬袂斷每一寸情
tsám buē-tn̄g muí tsi̍t-tshùn tsîng
放袂離是緣份
pàng buē-lī sī iân-hūn
時間是咱堅定的證明
sî-kan sī lán kian-tīng ê tsìng-bîng
感情免天來決定
kám-tsîng bián thinn lâi kuat-tīng
真心早囥手內面
tsin-sim tsá khǹg tshiú-lāi-bīn
明明白白一段情
bîng-bîng-pe̍h-pe̍h tsi̍t-tuānn tsîng
只有你
tsí-ū lí
當幸福來到身邊
tng hīng-hok lâi-kàu sin-pinn
愛予咱看見
ài hōo lán khuànn–kìnn
彼幕圓滿畫面
hit bōo uân-buán uē-bīn
早就甜在心
tsá tiō tinn tsāi sim
痴戀一生為著你
tshi-luân it-sing uī-tio̍h lí
你是我命中的星
lí sī guá miā-tiong ê tshinn
微微閃爍我的天
bî-bî siám-sih guá ê thinn
永遠袂拍毋見
íng-uán buē phàng-kìnn
月光下夜未眠
gue̍h-kng hā iā buē bîn
總是特別想你
tsóng–sī ti̍k-pia̍t siūnn lí
趕袂走
kuánn buē-tsáu
今夜寂寞的三更
kim-iā tsi̍k-bo̍k ê sann-kinn
痴戀一生若無你
tshi-luân it-sing nā bô lí
我的世界賰烏陰天
guá ê sè-kài tshun oo-im-thinn
任由烏雲閘日出
jīm-iû oo-hûn tsa̍h ji̍t-tshut
心空虛
sim khang-hi
毋願陪阮是孤單
m̄-guān puê gún sī koo-tuann
一个人的暗暝
tsi̍t-ê-lâng ê àm-mî
輕輕叫你名字
khin-khin kiò lí miâ-jī
敢有聽見
kám ū thiann–kìnn
