鳥仔聲
《鳥仔聲》Tsiáu-á Siann
林柔均Lîm Jiû-kun(紫君Tsí-kun)
——————————————
恁攏莫閣吵啦
lín lóng mài koh tshá–lah
恁攏莫閣吵啦
lín lóng mài koh tshá–lah
樹尾頂的鳥隻
tshiū-bué-tíng ê tsiáu-tsiah
攏袂梢聲
lóng buē sau-siann
–
天猶未光
thinn iáu-bē kng
厝尾頂的鳥仔
tshù-bué-tíng ê tsiáu-á
啼著歌聲共阮吵
thî tio̍h kua-siann kā gún tshá
Do Re Mi Mi Sol La
愈唱是愈大聲
jú tshiùnn sī jú tuā-siann
毋但一種聲
m̄-nā tsi̍t-tsióng siann
聲聲叫著我
siann-siann kiò tio̍h guá
tsi-tsi tsa-tsa
愈叫愈大聲
jú kiò jú tuā-siann
親像阮想你的心情
tshin-tshiūnn gún siūnn lí ê sim-tsiânn
聲聲叫阮精神
siann-siann kiò gún tsing-sîn
莫閣眠夢你啦
mài koh bîn-bāng lí–lah
啊~庄跤的思念
ah~ tsng-kha ê su-liām
原來是遮爾倚
guân-lâi sī tsiah-nī uá
啊~庄跤的心疼
ah~ tsng-kha ê sim thiànn
干焦是阮知影
kan-na sī gún tsai-iánn
咱攏莫閣吵啦
lán lóng mài koh tshá–lah
咱攏莫閣吵啦
lán lóng mài koh tshá–lah
哈~因為早就將你囥佇心肝
ha~ in-uī tsá tiō tsiong lí khǹg tī sim-kuann
