勸世閻君調
《勸世閻君調》Khuàn-sè Giâm-kun Tiāu
林俊Lîm Tsùn
——————————————
這款的歌真稀罕
tsit khuán ê kua tsin hi-hán
全講勸人欸在世間啊
tsuân kóng khǹg lâng–eh tsāi sè-kan–ah
在生若有彼个罪萬項
tsāi-sinn nā ū hit ê tsuē bān-hāng
勸恁大家
khǹg lín tāi-ke
著仙毋通哩咿欸
to̍h sian m̄-thang–lih ih-eh
在生不孝喔序大人
tsāi-sinn put-hàu–ooh sī-tuā-lâng
死了陰間捶跤胴
sí-liáu im-kan tuî kha-tâng
啊若忤逆爸母罪蓋重
ah nā ngóo-gi̍k pē-bú tsuē kài tāng
著閣燒烌研磨過塗礱
tio̍h koh sio-hu gíng-buâ kè thôo-lâng
在生強占人牽手
tsāi-sinn kiông tsiàm lâng khan-tshiú
掠來陰間拍目睭
lia̍h-lâi im-kan phah ba̍k-tsiu
抑是踮佇咧做剪綹
ia̍h-sī tiàm tī-leh tsuè tsián-liú
著閣剝皮骨頭髓咧抽咧
to̍h koh pak-phê kut-thâu tshé teh thiu–leh
無天無良剪人筊
bô-thian-bô-liông tsián lâng kiáu
若無刑罰罪難消
nā bô hîng-hua̍t tsuē lân siau
衫褲就愛剝了了
sann-khòo tsiū ài pak liáu-liáu
也著刑罰龍蝦雕
iā tio̍h hîng-hua̍t liông-hê-tiâu
九升騙人做一斗
káu-tsin phiàn lâng tsuè tsi̍t-táu
失人的寸尺減秤頭
sit lâng ê tshùn-tshioh kiám tshìn-thâu
掠來陰間摃蝦包
lia̍h-lâi im-kan kòng hê-pau
摃甲鼻血雙港流
kòng kah phīnn-huih siang-káng lâu
包查某啦飼夥計喔
pau tsa-bóo–lah tshī hé-kì–ooh
親像這款反悔遲
tshin-tshiūnn tsit khuán huán-hué tî
弄家散宅無捨施
lōng-ke suànn-the̍h bô-siá-si
掠來陰間受凌治咧
lia̍h-lâi im-kan siū lîng-tī–leh
在生查某真聬儱
tsāi-sinn tsa-bóo tsin àng-láng
通姦害死怹親翁
thong-kan hāi-sí in tshin-ang
通姦害夫罪蓋重
thong-kan hāi hu tsuē kài tāng
著閣褪衫褪褲抱煙筒
to̍h koh thǹg-sann thǹg-khòo phō ian-tâng
查埔查某愛學話
tsa-poo tsa-bóo ài o̍h-uē
掠到陰間割喙䫌
lia̍h kàu im-kan kuah tshuì-phué
害人生死蓋重罪
hāi lâng sing-sí kài tāng tsuē
後果真久真難過
hiō-kó tsin kú tsin lân kuè
