一路牽手行
《一路牽手行》Tsi̍t-lōo Khan-tshiú Kiânn
秀蘭瑪雅Showlen Maya
——————————————
一路牽手慢慢行
tsi̍t-lōo khan-tshiú bān-bān kiânn
四邊百花蝴蝶來陪伴
sì-pinn pah-hue ôo-tia̍p lâi puê-phuānn
有情話有笑聲
ū tsîng-uē ū tshiò-siann
歡喜勝過樹頂的鳥隻
huann-hí sìng-kuè tshiū-tíng ê tsiáu-tsiah
一路有你做陣行
tsi̍t-lōo ū lí tsuè-tīn kiânn
拄著較大風湧攏毋驚
tú-tio̍h khah tuā hong-íng lóng m̄-kiann
是緣份是註定
sī iân-hūn sī tsù-tiānn
你我心內攏知影
lí guá sim-lāi lóng tsai-iánn
阮感謝天公伯仔
gún kám-siā thinn-kong-peh–á
將你交予我
tsiong lí kau hōo guá
予阮幸福的生活
hōo gún hīng-hok ê sing-ua̍h
全力的保護
tsuân-li̍k ê pó-hōo
全心的照顧
tsuân-sim ê tsiàu-kòo
咱愛情袂變卦
lán ài-tsîng buē piàn-kuà
一路風雨繼續行
tsi̍t-lōo hong-hōo kè-sio̍k kiânn
手換牽著咱的囝兒孫仔
tshiú uānn khan-tio̍h lán ê kiánn-jî-sun-á
無煩惱無憂愁
bô huân-ló bô iu-tshiû
創造一个溫暖的岫
tshòng-tsō tsi̍t-ê un-luán ê siū
