港口花
《港口花》Káng-kháu Hue
吳青陽Ngôo Tshing-iông
——————————————
黃昏日頭
hông-hun ji̍t-thâu
漸漸落山去
tsiām-tsiām lo̍h-suann–khì
天邊彩虹
thinn-pinn tshái-hông
照著水面真正媠
tsiò tio̍h tsuí-bīn tsin-tsiànn suí
看著路邊
khuànn-tio̍h lōo-pinn
姑娘對我笑微微
koo-niû tuì guá tshiò bî-bî
喔~毋知伊啥人的女兒
ooh~ m̄-tsai i siánn-lâng ê lú-jî
予阮看著心歡喜
hōo gún khuànn-tio̍h sim huann-hí
啊~想欲行倚去
ah~ siūnn-beh kiânn uá–khì
向伊來表示
hiòng i lâi piáu-sī
初次見面
tshoo-tshù kìnn-bīn
雙人有意愛
siang-lâng ū ì-ài
互相欣賞
hōo-siong him-sióng
恬恬下在心肝內
tiām-tiām khē tsāi sim-kuann-lāi
想欲表示
siūnn-beh piáu-sī
一直毋敢講出來
it-ti̍t m̄ kánn kóng–tshut-lâi
喔~用目睭表達予伊知
ooh~ iōng ba̍k-tsiu piáu-ta̍t hōo i tsai
阮會耐心欲等待
gún ē nāi-sim beh tán-thāi
啊~等待明日
ah~ tán-thāi bîng-ji̍t
春風閣吹來
tshun-hong koh tshue–lâi
