悲傷的姑娘
《悲傷的姑娘》Pi-siong ê Koo-niû
吳青陽Ngôo Tshing-iông
——————————————
烏暗暝無天星
oo-àm-mî bô thinn-tshinn
路燈伴阮到深更
lōo-ting phuānn gún kàu tshim-kinn
四邊肅靜
sì-pinn siok-tsīng
彼个姑娘吉他做伴侶
hit ê koo-niû gì-tah tsuè phuānn-lī
迷人的歌聲帶悲意
bê-lâng ê kua-siann tài pi-ì
離故鄉彼當時
lî kòo-hiong hit-tong-sî
阮爸母的言語
gún pē-bú ê giân-gí
為怎樣
uī-tsuánn-iūnn
今夜孤單阮自己
kim-iā koo-tuann gún tsū-kí
流浪夜都市
lâu lōng iā too-tshī
夜都市深更時
iā too-tshī tshim-kinn sî
月娘知影阮心理
gue̍h-niû tsai-iánn gún sim-lí
手彈吉他彼个姑娘
tshiú tuânn gì-tah hit ê koo-niû
趁錢唸歌詩
thàn-tsînn liām kua-si
憂悶的歌聲帶悲意
iu-būn ê kua-siann tài pi-ì
為走唱過日子
uī tsáu-tshiùnn kuè ji̍t-tsí
深更時望月娘寄相思
tshim-kinn sî bāng gue̍h-niû kià siunn-si
暗流目屎澹目墘
àm lâu ba̍k-sái tâm ba̍k-kînn
忍耐心稀微
jím-nāi sim hi-bî
