男人的歌
《男人的歌》Lâm-jîn ê Kua
小黑(Raju Kumara，馬來西亞)
——————————————
日頭熱
ji̍t-thâu jua̍h
咧流汗
teh lâu-kuānn
為著生活
uī-tio̍h sing-ua̍h
出門愛透早
tshut-mn̂g ài thàu-tsá
為著食飽
uī-tio̍h tsia̍h-pá
艱苦毋驚
kan-khóo m̄-kiann
為著家己為某囝
uī-tio̍h ka-kī uī bóo-kiánn
這首歌
tsit siú kua
你欲斟酌聽
lí beh tsim-tsiok thiann
我想欲按怎
guá siūnn-beh án-tsuánn
毋驚予人知影
m̄-kiann hōo-lâng tsai-iánn
查埔人的歌
tsa-poo-lâng ê kua
欲唱嘛唱袂煞
beh tshiùnn mā tshiùnn bē-suah
這是我的命
tse sī guá ê miā
著認真去拍拚
tio̍h jīn-tsin khì phah-piànn
查埔人的歌
tsa-poo-lâng ê kua
永遠嘛愛看破
íng-uán mā ài khuànn-phuà
毋驚疼
m̄-kiann thiànn
無認命
bô jīn-miā
毋管是毋是真歹命
m̄-kuán sī-m̄-sī tsin pháinn-miā
一路行
tsi̍t-lōo kiânn
越頭看
ua̍t-thâu khuànn
日頭已經咧落山
ji̍t-thâu í-king teh lo̍h-suann
