人生著愛衝
《人生著愛衝》Jîn-sing Tio̍h-ài Tshiong
小黑(Raju Kumara，馬來西亞)
——————————————
人生可比天頂彼粒星
jîn-sing khó-pí thinn-téng hit lia̍p tshinn
有時光光
ū-sî kng kng
有時看無伊
ū-sî khuànn-bô i
毋管生活是苦抑是甜
m̄-kuán sing-ua̍h sī khóo ia̍h-sī tinn
千萬毋通來失志
tshian-bān m̄-thang lâi sit-tsì
離開故鄉已經遮濟年
lī-khui kòo-hiong í-keng tsiah tsuē nî
前途茫茫
tsiân-tôo bâng-bâng
想著心空虛
siūnn-tio̍h sim khang-hi
起起落落
khí-khí-lo̍h-lo̍h
這無算啥物
tse bô-sǹg siánn-mih
我會勇敢活落去
guá ē ióng-kám ua̍h–lo̍h-khì
啊~衝衝衝
ah~ tshiong tshiong tshiong
賭著男兒的志氣
tóo tio̍h lâm-jî ê tsì-khì
我我我
guá guá guá
我欲成功倒轉去
guá beh sîng-kong tò-tńg–khì
啊~衝衝衝
ah~ tshiong tshiong tshiong
人生才有意義
jîn-sing tsiah ū ì-gī
我我我
guá guá guá
我欲認真拍拚
guá beh jīn-tsin phah-piànn
愛拚才會贏
ài piànn tsiah ē iânn
這句話
tsit kù uē
咱逐家攏知影
lán ta̍k-ke lóng tsai-iánn
