阮是歹命人
《阮是歹命人》Gún Sī Pháinn-miā-lâng
小黑(Raju Kumara，馬來西亞)
——————————————
抱著滿腹的義氣
phō tio̍h muá-pak ê gī-khì
出生入死為啥物
tshut-sinn ji̍p-sí uī-siánn-mih
賭著性命毋值錢
tóo tio̍h sìnn-miā m̄-ta̍t tsînn
監房的鐵枝挽幾年
kam-pâng ê thih-ki bán kuí-nî
快樂日子我放棄
khuài-lo̍k je̍t-tsí guá hòng-khì
講著做歹我有名字
kóng-tio̍h tsuè-pháinn guá ū miâ-jī
爸母為我哭規暝
pē-bú uī guá khàu kui-mî
某囝放落無人飼
bóo-kiánn pàng–lo̍h bô-lâng tshī
啊~江湖的日子
ah~ kang-ôo ê ji̍t-tsí
親像咧走棋
tshin-tshiūnn teh tsáu-kî
一步踏錯
tsi̍t-pōo ta̍h-tshò
命佇西邊
miā tī sai-pinn
安份守己來覺醒
an-hūn-siú-kí lâi kak-tshínn
命犯小人愛細膩
miā huān sió-jîn ài suè-jī
若無性命
nā-bô, sìnn-miā
早慢佇咱的手邊
tsá-bān tī lán ê tshiú-pinn
—
↓↓(口白)—(口白)↓↓
哈~為啥物
hah~ uī-siánn-mi̍h
為著兄弟
uī-tio̍h hiann-tī
我講義氣
guá kóng gī-khì
兄弟對阮真支持
hiann-tī tuì gún tsin tsi-tshî
但是命犯小人
tān-sī miā huān sió-jîn̂
我會當講啥物
guá ē-tàng kóng siánn-mi̍h
唉~我若無覺醒
hiah~ guá nā bô kak-tshínn
上驚性命
siōng kiann sìnn-miā
早慢佇別人的手邊
tsá-bān tī pa̍t-lâng ê tshiú-pinn
