拚出一片天
《拚出一片天》Piànn Tshut Tsi̍t-phiàn Thinn
小黑(Raju Kumara，馬來西亞)
——————————————
向前來行一步
hiòng-tsiân lâi kiânn tsi̍t-pōo
向後無退路
hiòng-āu bô thè-lōo
莫驚偌大的風雨
mài kiann guā tuā ê hong-hōo
只有你來相照顧
tsí-ū lí lâi sio tsiàu-kòo
求天來幫助
kiû thinn lâi pang-tsōo
天若無絕人的路
thinn nā bô tsua̍t lâng ê lōo
成功靠命理
sîng-kong khò miā-lí
好歹靠自己
hó-pháinn khò tsū-kí
青春是本錢
tshing-tshun sī pún-tsînn
失敗算啥物
sit-pāi sǹg siánn-mih
求天來保庇
kiû thinn lâi pó-pì
好歹是八字
hó-pháinn sī pueh-jī
成功兩个字
sîng-kong nn̄g-ê jī
掛在咱喙邊
kuà tsāi lán tshùi-pinn
命中若註定
miā-tiong nā tsù-tiānn
拚出一片天
piànn tshut tsi̍t-phiàn thinn
