一杯苦苦的酒
《一杯苦苦的酒》Tsi̍t-pue Khóo-khóo ê Tsiú
小貞姐姐Sió-tsing-tse-tse
——————————————
手捀著一杯
tshiú phâng tio̍h tsi̍t-pue
苦苦的酒
khóo-khóo ê tsiú
想著無奈分開
siūnn-tio̍h bô-nāi hun-khui
感情心哀愁
kám-tsîng sim ai-tshiû
付出的真心
hù-tshut ê tsin-sim
怎樣予你滾笑
tsuánn-iūnn hōo lí kún-tshiò
勉強的笑容
bián-kióng ê tshiò-iông
加添心內的憂愁
ka-thiam sim-lāi ê iu-tshiû
啊~啉一喙苦苦的酒
ah~ lim tsi̍t-tshuì khóo-khóo ê tsiú
為何你袂當感受
uī-hô lí buē-tàng kám-siū
阮的體貼佮溫柔
gún ê thé-thiap kah un-jiû
無情來離開
bô-tsîng lâi lī-khui
阮無怨言承受
gún bô uàn-giân sîng-siū
雖然毋甘願放你自由
sui-jiân m̄ kam-guān pàng lí tsū-iû
啊~緣份到遮歹追求
ah~ iân-hūn kàu tsia pháinn tui-kiû
我請你請你放手
guá tshiánn lí tshiánn lí pàng-tshiú
