悽痴癡
《悽痴癡》Tshi Tshi Tshi
七賢Tshit-hiân
——————————————
酒杯燈影情消失
tsiú-pue ting-iánn tsîng siau-sit
心醉的滋味
sim tsuì ê tsu-bī
空氣中有你的芳味
khong-khì tiong ū lí ê phang-bī
酒那啉心那醉
tsiú ná lim sim ná tsuì
猶原想著美麗的伊
iu-guân siūnn-tio̍h bí-lē ê i
你伊啊追風去
lí i–ah tui hong–khì
留予阮相思
lâu hōo gún siunn-si
我也甘願恬恬來離開
guá iā kam-guān tiām-tiām lâi lī-khui
風哪遮爾悽
hong ná tsiah-nī tshi
阮嘛遮爾痴
gún mā tsiah-nī tshi
愛恨隨風去
ài hūn suî hong–khì
雲霧罩著月四邊
hûn-bū tà tio̍h gue̍h sì-pinn
心碎的滋味
sim tshuì ê tsu-bī
空氣中有我的情意
khong-khì tiong ū guá ê tsîng-ì
心肝頭放袂離
sim-kuann-thâu pàng buē-lī
白白來枉費我愛你
pe̍h-pe̍h lâi óng-huì guá ài lí
又閣想起你
iū-koh siūnn-khí lí
放予隨風去
pàng hōo suî hong–khì
我也甘願恬恬來離開
guá iā kam-guān tiām-tiām lâi lī-khui
風笑我遮爾痴
hong tshiò guá tsiah-nī tshi
愛甲遮爾痴
ài kah tsiah-nī tshi
所有放予風中去
sóo-ū pàng hōo hong-tiong khì
