堅強的女人
《堅強的女人》Kian-kiông ê Lú-jîn
周素美Tsiu Sòo-bí
——————————————
堅強的女人
kian-kiông ê lú-jîn
為著這个家
uī-tio̍h tsit ê ke
單獨晟養囡仔大
tan-to̍k tshiânn-ióng gín-á tuā
將囝當做家己的性命
tsiong kiánn tòng-tsuè ka-kī ê sìnn-miā
甘願付出受拖磨
kam-guān hù-tshut siū thua-buâ
無論環境有偌差
bô-lūn khuân-kíng ū guā tsha
驚伊枵著驚伊寒
kiann i iau–tio̍h kiann i kuânn
為著囡仔三頓飽
uī-tio̍h gín-á sann-tǹg pá
日走夜拚嘛愛行
ji̍t tsáu iā piànn mā ài kiânn
所受的一切家己擔
sóo siū ê it-tshè ka-tī tann
這款恩情親像山
tsit khuán un-tsîng tshin-tshiūnn suann
希望以後創造好名聲
hi-bāng í-āu tshòng-tsō hó miâ-siann
報答辛苦共阮晟
pò-tap sin-khóo kā gún tshiânn
