樂觀的歌手
《樂觀的歌手》Lo̍k-kuan ê Kua-tshiú
依琳I-lîm
——————————————
自從我興趣唱歌這條路
tsū-tsiông guá hìng-tshù tshiùnn-kua tsit tiâu lōo
心肝內總有一點仔驚
sim-kuann-lāi tsóng ū tsi̍t-tiám-á kiann
只想做一个樂觀的歌手
tsí siūnn tsuè tsi̍t-ê lo̍k-kuan ê kua-tshiú
我毋敢想會紅
guá m̄-kánn siūnn ē âng
用感情唱出阮心聲
iōng kám-tsîng tshiùnn-tshut gún sim-siann
每日踮在臺頂咧唱歌
muí-ji̍t tiàm-tsāi tâi-tíng teh tshiùnn-kua
閣較辛苦嘛毋驚
koh-khah sin-khóo mā m̄-kiann
唱予每一个人聽
tshiùnn hōo muí tsi̍t-ê lâng thiann
感受著我的熱情
kám-siū tio̍h guá ê jia̍t-tsîng
希望有恁的噗仔聲
hi-bāng ū lín ê pho̍k-á-siann
予阮有信心繼續行
hōo gún ū sìn-sim kè-sio̍k kiânn
