風雨變晴天
《風雨變晴天》Hong-hōo Piàn Tsîng-thinn
依依I-i
——————————————
希望半暝仔到五更
hi-bāng puànn-mî-á kàu gōo-kinn
愛人仔伴身邊
ài-jîn-á phuānn sin-pinn
無奈烏雲罩月圓
bô-nāi oo-hûn tà gue̍h-înn
孤單目屎滴
koo-tuann ba̍k-sái tih
紙頭紙尾無名字
tsuá-thâu tsuá-bué bô miâ-jī
風雨變晴天
hong-hōo piàn tsîng-thinn
為何老天相創治
uī-hô lāu-thinn sio tshòng-tī
愈想心愈悲
jú siūnn sim jú pi
煩惱一日一日起
huân-ló tsi̍t-ji̍t-tsi̍t-ji̍t khí
阮是不得已
gún sī put-tik-í
上歹交代阮幼兒
siōng pháinn kau-tài gún iù-jî
問起老爸時
mn̄g-khí lāu-pē sî
將來也著看自己
tsiong-lâi iā tio̍h khuànn tsū-kí
恨命無怨天
hūn miā bô uàn thinn
牽涉感情的代誌
khan-sia̍p kám-tsîng ê tāi-tsì
袂當斷袂離
buē-tàng tn̄g buē-lī
紙頭紙尾無名字
tsuá-thâu tsuá-bué bô miâ-jī
風雨變晴天
hong-hōo piàn tsîng-thinn
為何老天相創治
uī-hô lāu-thinn sio tshòng-tī
愈想心愈悲
jú siūnn sim jú pi
