落魄是暫時
《落魄是暫時》Lo̍k-phik Sī Tsiām-sî
良山Liông-san
——————————————
為著一時的激氣
uī-tio̍h tsi̍t-sî ê kik-khì
流浪到都市
liû-lōng kàu too-tshī
霓虹燈閃閃爍爍
nê-hông-ting siám-siám-sih-sih
毋知欲對佗位去
m̄-tsai beh tuì tó-uī khì
自悲自嘆
tsū-pi tsū-thàn
攑頭看天邊
gia̍h-thâu khuànn thinn-pinn
突然一粒流星
tu̍t-jiân tsi̍t-lia̍p liû-tshinn
流對東爿去
lâu tuì tang-pîng khì
親像向阮表示
tshin-tshiūnn hiòng gún piáu-sī
毋通自暴自棄
m̄-thang tsū-pō-tsū-khì
啊~人生總有不如意
ah~ jîn-sing tsóng ū put-jû-ì
落魄是暫時
lo̍k-phik sī tsiām-sî
為著一時的激氣
uī-tio̍h tsi̍t-sî ê kik-khì
賭強離開伊
tóo-kiông lī-khui i
忍袂住傷心淚滴
jím buē-tsū siong-sim luī-tih
心內較想也是伊
sim-lāi khah siūnn iā-sī i
自悲自嘆
tsū-pi tsū-thàn
攑頭看天邊
gia̍h-thâu khuànn thinn-pinn
突然一粒流星
tu̍t-jiân tsi̍t-lia̍p liû-tshinn
流對東爿去
lâu tuì tang-pîng khì
親像向阮表示
tshin-tshiūnn hiòng gún piáu-sī
毋通自暴自棄
m̄-thang tsū-pō-tsū-khì
啊~人生總有不如意
ah~ jîn-sing tsóng ū put-jû-ì
落魄是暫時
lo̍k-phik sī tsiām-sî
