思念阿母的心肝你敢知
《思念阿母的心肝你敢知》Su-liām A-bú ê Sim-kuann Lí Kám Tsai
李素專Lí Sòo-tsuan
——————————————
綿綿雨水滴
mî-mî hōo-tsuí tih
夜霧罩四邊
iā-bū tà sì-pinn
想起阿母形影
siūnn-khí a-bú hîng-iánn
我的心內
guá ê sim-lāi
是陣陣傷悲
sī tsūn-tsūn siong-pi
阿母的一生
a-bú ê it-sing
付出無人知
hù-tshut bô-lâng tsai
千辛萬苦
tshian-sin bān-khóo
只有吞腹內
tsí-ū thun pak-lāi
望囝成龍真偉大
bāng kiánn sîng-liông tsin uí-tāi
啊~一時天地風雲起
ah~ tsi̍t-sî thinn-tē hong-hûn khí
人生變卦啥人知
jîn-sing piàn-kuà siánn-lâng tsai
阿母你煞來離開阮的身邊
a-bú lí suah lâi lī-khui gún ê sin-pinn
怨天遮無公平
uàn thinn tsiah bô kong-pînn
想著你慈祥面容
siūnn-tio̍h lí tsû-siông bīn-iông
你的關懷
lí ê kuan-huâi
永遠藏佇心內
íng-uán tshàng tī sim-lāi
阮思念阿母心肝
gún su-liām a-bú sim-kuann
啥人會知
siánn-lâng ē tsai
啥人會了解
siánn-lâng ē liáu-kái
↓—(伴唱)—↓
悲傷的情懷
pi-siong ê tsi̍ng-huâi
啥人會了解
siánn-lâng ē liáu-kái
思念心情你敢知
su-liām sim-tsîng lí kám tsai
