府城四百年
《府城四百年》Hú-siânn Sì-pah Nî
宋俊明Sòng Tsùn-bîng
——————————————
臺南號稱是府城
Tâi-lâm hō-tshing sī Hú-siânn
四百年來酸苦疼
sì-pah nî lâi sng-khóo-thiànn
先人努力佮拍拚
sian-jîn lóo-li̍k kah phah-piànn
拚出安居樂業城
piànn tshut an-ki lo̍k-gia̍p siânn
刻苦耐勞臺南人
khik-khóo nāi-lô Tâi-lâm-lâng
認真本份在地化
jīn-tsin pún-hūn tsāi-tē-huà
各行百業攏咧遮
kok-hâng pah-gia̍p lóng teh tsia
拚出臺灣第一名
piànn tshut Tâi-uân tē-it-miâ
臺南人
Tâi-lâm-lâng
認真拚
jīn-tsin piànn
拚出府城的好名聲
piànn tshut Hú-siânn ê hó miâ-siann
欲做世界第一名
beh tsuè sè-kài tē-it-miâ
啊~拚出頭天你佮我
ah~ piànn tshut-thâu-thinn lí kah guá
前人鬥陣來帶領
tsiân-lâng tàu-tīn lâi tuà-niá
古都文化上出名
kóo-too bûn-huà siōng tshut-miâ
經濟奇蹟靠你我
king-tsè kî-tsik khò lí guá
安居樂業的府城
an-ki lo̍k-gia̍p ê Hú-siânn
—
安居樂業的府城
an-ki lo̍k-gia̍p ê Hú-siânn
